Panopto

Panopto er upptökukerfi Háskóla Íslands og það nota kennarar til að taka upp kennslustundir og kennsluefni. Einnig er hægt að nota það við að streyma útsendingar. Forritið er tiltölulega einfalt í notkun og hægt er að skoða upptökurnar í flestum vöfrum og snjalltækjum.

Panopto á að vera uppsett í öllum kennslustofum Háskóla Íslands en að auki geta kennarar sett það upp á sínar eigin tölvur og tekið upp heima.

Ef nota á Panopto þarf að sækja forritið fyrst. Ef það er sótt í gegnum Uglu, þá er byrjað á því að velja námskeið í Uglu og velja síðan flipann Upptökur og þar inni Sækja upptökuforrit. Ef nota á Moodle þarf að bæta við blokk fyrir Panopto.

 

Fjarfundir og útsendingar

Forritið Zoom er m.a. notað við fjarfundi og webinars (vefmálstofur). Þetta er einfalt forrit og auðvelt að nota. Tæknimenn Kennslumiðstöðvar aðstoða fólk við að byrja að nota það ef áhugi er fyrir hendi.