Turnitin

Logo Turnitin

Feedback Studio er ritskimunarforrit frá Turnitin. Kennarar Háskóla Íslands hafa aðgang að því í gegnum námsumsjónarkerfi Canvas.

Nemendur fá aðgang að forritinu í gegnum námskeiðin sem þeir eru á og það eru kennarar sem búa til verkefnaskilahólf í Canvas þar sem Turnitin viðbót við Canvas er virkjuð.

Með forritinu er auðvelt að bera texta saman við áður útgefna texta, vefsíður og nemendaritgerðir. Veita endurgjöf og meta verkefni. Kennarar geta notað matskvarða, skrifað athugasemdir og gefið bæði munnlega og skriflega umsögn. Forritið býður einnig upp á að nemendur geti metið verkefni hvers annars.

Feedback Studio er einnig námsmats-, endurgjafa- og jafningjamatskerfi en mælt er með að nota SpeedGrader í Canvas frekar. Sjá leiðbeiningar fyrir notkun Turnitin innan Canvas með viðbótinni Plagiarism Framework.

Þeir kennarar sem eiga námsmatskvarða í Turnitin og hafa komið sér upp hraðumsagnabanka og vilja veita endurgjöf í gegnum Feedback Studio, geta notað útværu Turnitin viðbótina External tool (LTI) inni í Canvas. Sjá leiðbeiningar fyrir notkun hennar inni í Canvas.

Í fyrsta skipti sem kennari tengir viðbótina við Canvas skilahólf þá verður til aðgangur, fyrir kennarann og alla skráða nemendur á námskeiðinu, að Turnitin. Það þýðir að allir hafa einnig aðgang að Turnitin í gegnum vefsvæði þess á vefslóðinni Turnitin.com.


Upplýsingar og tenglar á leiðbeiningar eru á vefsíðunni https://turnitin.hi.is. Kennarar Háskólans geta fengið kennslu og aðstoð frá Sigurbjörgu Jóhannesdóttur á Kennslumiðstöð Háskóla Íslands í síma 525 4966 eða netfanginu kennslumidstod@hi.is.