Hér eru nokkur dæmi um metanleg hæfniviðmið, sett fram til að einfalda vinnuna við gerð hæfniviðmiða.

Dæmi 1
Í lok námskeiðs getur nemandi:

  • Beitt kenningum um stærðfræðinám og kennslu.
  • Skipulagt námsmat sem endurspeglar hæfniviðmið námskeiða.
  • Notað ólíkar kennsluaðferðir í stærðfræðikennslu.
  • Notað aðferðir sem virkja nemendur í námi, s.s. hópastarf, notkun á upplýsingatækni, vendikennslu o.fl.
  • Beitt leiðum til að hjálpa nemendum við atriði sem algengt er að valdi vanda í stærðfræðinámi.
  • Notað mismunandi viðmið, matskvarða, gátlista og fleira til að meta skriflega verkefni og veita endurgjöf.
  • Stýrt dæmatímum markvisst og af öryggi.
  • Tekið þátt í umræðu um stærðfræðikennslu.

Dæmi 2
Í lok námskeiðs getur nemandi:

  • Greint frá helstu kenningum og hugtökum afbrotafræðinnar.
  • Sagt frá helstu fræðimönnum afbrotafræðinnar og rannsóknum þeirra.
  • Útskýrt mismunandi tegundir afbrota út frá ólíkum kenningum.
  • Greint íslenskan veruleika afbrota í ljósi kenninga og rannsókna afbrotafræðinnar.
  • Borið saman ólíkar kenningar afbrotafræðinnar.
  • Nýtt sér og metið ólíkar upplýsingar og gagnasöfn um afbrot.

Dæmi 3
Í lok námskeiðs geta nemendur:

Þekking

  • Útskýrt helstu einkenni útilífs (n. friluftsliv).
  • Lýst einkennum þverfaglegrar nálgunar og þegar unnið er á vettvangi.
  • Útskýrt aðferðir reynslunáms og hvernig ígrundun er nýtt til merkingarbærs náms.
  • Sett í samhengi málefni sem tengjast sjálfbærni.

Leikni

  • Rætt um hvernig ólík fagsvið tengjast umhverfi og náttúru.
  • Skipulagt ferð að sumarlagi fyrir ákveðinn markhóp.
  • Sett eigin upplifanir og reynslu í fræðilegt samhengi.

Hæfni

  • Beitt mismunandi aðferðum við ígrundun.
  • Nýtt ígrundandi aðferðir til að styrkja persónulegan- og faglegan þroska.
  • Leitt  hóp í útivistarferð og tekið tillit til þarfa einstaklinga og hóps.
  • Dvalið í nokkra daga í náttúrunni og geta tjaldað og eldað úti.
  • Skýrt með dæmum hvernig megi ígrunda eigin upplifanir.

Dæmi 4
Í lok námskeiðs getur nemandi:

  • Valið rannsóknaraðferðir og nálganir sem henta viðfangsefni hverju sinni.
  • Sett viðfangsefni sitt í fræðilegt samhengi og dregið af því ályktarnir.
  • Dregið saman þekkingu á fræðasviðinu.
  • Unnið rannsókn sem felur í sér frumlegt framlag til fræða.
  • Aflað gagna, gagnrýnt þau og túlkað.
  • Metið umfang rannsóknarefnis og skipulagt vinnu sína í samræmi við það.
  • Sett fram rannsóknarniðurstöður sínar, rökstutt þær og tengt við fræðin.
  • Gert grein fyrir tengslum sínum við viðfangsefnið.
  • Gert grein fyrir takmörkunum rannsóknar sinnar.

Dæmi 5
Að námskeiði loknu getur nemandi:

  • Útskýrt helstu kenningar sem tengjast stjórnarháttum fyrirtækja.
  • Útskýrt mismunandi stjórnarháttarkerfi.
  • Undirbúið, skipulagt og stýrt stjórnarfundum.
  • Tekið þátt í skipulögðu stjórnarstarfi.
  • Leitt uppbyggingu á skilvirku stjórnarstarfi.
  • Greint áherslur stjórnar.
  • Lagt mat á góða stjórnarhætti.
  • Starfað sem stjálfstæður stjórnarmaður.