Kennslumiðstöð Háskóla Íslands

Mælt er með að láta nemendur skila ritgerðum inn í Turnitin Feedback Studio á vefsvæði Turnitin, inni í Moodle og inni í Canvas.

Þegar verkefnaskilahólfið er búið til í forritinu þá velur kennari hvort að skil nemenda fari inn í gagnagrunn Turnitin eða ekki. Betra er að fá skilin inn í gagnagrunninn svo það fáist samsvörun við textann síðar.

Kosturinn við að láta nemendur skila inn ritgerð í verkefnaskilahólf Turnitin er að hægt er að ritskima textann og fá upp samsvörun við útgefna texta, vefsíður og nemendaritgerðir. Kennarar ráða því hvort að nemendur fái aðgang að hlutfalli samsvörunar eða ekki.

Annar stór kostur er að forritið býður upp á virkilega góð verkfæri til að veita endurgjöf til nemenda.

Leiðbeiningar um nánari upplýsingar um forritið eru á https://turnitin.hi.is.

Kennslumiðstöð Háskóla Íslands sér um að þjónusta og kenna á forritið. Sendið fyrirspurnir og beiðnir varðandi fræðslu og aðstoð í gegnum Þjónustugátt Upplýsingatæknisviðs, hringið í síma 525 4966 eða sendið póst á sigurbjorg@hi.is.

Inspera er kjörið til að halda utan um verkefnaskil (upload document). Kennari sér til dæmis í sjónhendingu hvernig skil standa.

Á innri vef Uglunnar eru leiðbeiningar fyrir Inspera og upplýsingar um hvernig notaðar eru ritgerðarspurningar í forritinu. Þar sem þessar síður eru á innri vef þarftu að vera innskráð(ur) til að komast á þessar síður.

Prófaskrifstofa Háskóla Íslands sér um að þjónusta og kenna á forritið. Sendið fyrirspurnir og beiðnir varðandi fræðslu og aðstoð í gegnum Þjónustugátt Upplýsingatæknisviðs eða sendið netpóst til á profstjori@hi.is - sé aðstoðar þörf við framkvæmd prófa.

Á innri vef Uglu eru ennfremur að finna síðu um frekari upplýsingar og aðstoð. Upptökur með fræðsluefni eru einnig aðgengilegar á YouTube-rás Prófaskrifstofu.

Þeir kennarar sem nota námsumsjónarkerfið Moodle fyrir námskeiðin sín, geta búið til Moodle skilahólf og Turnitin Assignment 2 skilahólf í kerfinu þar sem nemendur geta skilað ritgerðum. Í Moodle skilahólfinu er auk þess hægt að virkja Turnitin ritskimunina. Skilaverkefni (skilahólf) í Moodle býður upp á að nemandi skili hvers kyns skrá t.d. .pdf, .doc, .mp4 o.fl.

Ef nemandi skilar .pdf skrá inn í Moodle skilahólf, getur kennari notað verkfærin í Moodle til setja endurgjöf inn í skjal nemandans og/eða gefið almenna umsögn og einkunn. Ef nemandi skilar annarri tegund af skjali þarf kennari að hala skjalinu niður í sína tölvu, opna þar og veita endurgjöf inni í því. Þetta getur kennari til dæmis gert með Track Changes og Add Comments í Word ef skjalið er docx skjal eða Open Office ef skjalið er odt skjal. Kennari getur svo hengt skjalið aftur við skilaverkefni nemenda svo hann sjái tillögur kennara að breytingum. Kennari getur auk þess skrifað heildarumsögn fyrir verkefnið í Moodle.

Ef skilin fara fram í gegnum Turnitin Assignment 2 skilahólf inni í Moodle þá er veitt endurgjöf í Turnitin Feedback Studio forritinu (inni í Moodle) eða í Turnitin.com. Nemendur geta skilað inn ritgerðinni inn í það skilahólf á nánast hvaða textaformi sem er á meðan um er að ræða texta í skjalinu en ekki mynd (til dæmis eru sum pdf skjöl myndaskjöl og önnur textaskjöl). Turnitin býður upp á jafningjamat sem kennarar geta nýtt sér og Moodle einnig.

Leiðbeiningar um skilaverkefni (skilahólf): http://moodlehjalp.hi.is/kennarinn/skilaverkefni/

Ef þig vantar að finna fleiri leiðbeiningar fyrir Moodle, þá er hér Moodle hjálparvefur

Kennslumiðstöð Háskóla Íslands sér um að þjónusta og kenna á forritið. Sendið fyrirspurnir og beiðnir varðandi fræðslu og aðstoð í gegnum Þjónustugátt Upplýsingatæknisviðs eða hringið í síma 525 4279.

Upplýsingar um Canvas eru á vefslóðinni https://canvas.hi.is

Upplýsingatæknisvið og Kennslusvið þjónusta  og leiðbeina kennurum varðandi hvernig þeir nota námsumsjónarkerfið Canvas. Fyrirspurnir eða beiðni um aðstoð vegna Canvas skal senda í gegnum Þjónustugátt Upplýsingatæknisviðs.

Á Kennsluvef Uglu er hægt að búa til verkefnaskilahólf sem nemendur geta skilað ritgerðum inn í. Kennari getur þá halað niður skilunum og opnað í tölvunni og veitt endurgjöf inni í skjölunum.

Gott er að láta nemendur skila skjalategund (t.d. docx eða odt) sem býður upp á Track changes. Kennari þarf svo að hengja skjalið inn aftur í Uglu svo nemandi sjái tillögur kennara fyrir breytingu og sér umsögn hans. Það er einnig athugasemdarammi inni í Uglunni þar sem nemandi skilaði verkefninu og þar getur kennari veitt heildarumsögn á skilin.

Leiðbeiningar eru á Kennsluvef Uglu

Kennslumiðstöð Háskóla Íslands sér um að þjónusta og kenna á forritið. Sendið fyrirspurnir og beiðnir varðandi fræðslu og aðstoð í gegnum Þjónustugátt Upplýsingatæknisviðs eða hringið í síma 525 4279.