ExpiredVinnuálag og vellíðan í námskeiðum – vinnustofa og ný rannsókn

We're sorry, but all tickets sales have ended because the event is expired.
  • 22/11/2016
    13:30 - 16:00

Stund: þri. 22. nóv. kl. 13:30-16:00
Staður: Kennslumiðstöð, Aragötu 9
Kennari: Baldur Sigurðsson dósent á Menntavísindasviði og Edda R. H. Waage lektor á Verkfræði- og náttúruvísindasviði

Baldur Sigurðsson dósent á MVS og Edda R. H. Waage lektor á VoN leiða saman hesta sína í vinnustofu um vinnuálag og vellíðan í námskeiðum. Baldur hefur kynnt ektukerfið á fjölmörgum námskeiðum og skrifað um efnið og Edda hefur nýlega lokið rannsókn á vinnuálagi í einu námskeiða sinna og grein um niðurstöður bíður birtingar.

Á vinnustofunni fjallar Baldur um að hverju þurfi að hyggja til að námskeið standist þau viðmið sem fjöldi námseininga (ECTS) segir til um. Bornar eru saman eldri hugmyndir í Háskóla Íslands um nám sem vinnu, og hugmyndir okkar núna um vinnu og vinnutíma stúdenta í ljósi Bologna-samkomulagsins. Hvernig fléttast vinna stúdenta saman úr lestri námsefnis, tímasókn og verkefnavinnu? Hvert er samhengið við vægi námsmats? Gott skipulag námskeiða miðast við að nýta vinnutíma stúdenta sem best og kynntar verða leiðir til að áætla það áður en námskeið hefst.

Að því loknu fjallar Edda um upplifun af vinnuálagi meðal nemenda í samanburði við eiginlegt vinnuframlag þeirra og kynnir niðurstöður rannsóknar sinnar þar að lútandi. Vinnuálag er þannig skoðað út frá hlutlægum viðmiðum jafnt sem huglægum. Hvaða þættir skýra upplifun af vinnuálagi? Hvernig má stýra upplifun af vinnuálagi innan einstakra námskeiða? Upplifun af vinnuálagi nemenda skýrist ekki einvörðungu af vinnuframlagi þeirra, heldur, og ekkert síður, af öðrum þáttum í náminu. Með þekkingu á þeim þáttum sem hafa áhrif á upplifun af vinnuálagi má bæta skipulag námskeiða í þeim tilgangi að stuðla að jákvæðari námsupplifun og betri námsárangri.

Hæfniviðmið
Að námskeiði loknu geta þátttakendur:

  • skipulagt námskeið sín með námstíma stúdenta í huga
  • reiknað út vinnuálag á námskeiðum í heild og við einstaka námsþætti
  • skipulagt námskeið sín með tilliti til upplifunar af vinnuálagi meðal nemenda

Stefna Háskóla Íslands:
Í stefnu Háskóla Íslands 2016-2021 er lögð áhersla á þróun kennsluhátta.

Fyrir hvern?
Námskeiðið er fyrir kennara og starfsfólk í stjórnsýslu við Háskóla Íslands.

 

Leave a Reply

Your email address will not be published. Required fields are marked *