ExpiredVendikennsla – vinnustofa

We're sorry, but all tickets sales have ended because the event is expired.
  • 12/04/2018
    10:00 - 12:00

Stund: fim. 12. apríl, kl. 10:00-12:00
Staður: Kennslumiðstöð HÍ, Aragötu 9

Vendikennsla er kennsluform sem verið hefur að ryðja sér til rúms víða og hefur m.a. verið notað við Háskóla Íslands um nokkurra ára skeið með góðum árangri. Vendikennsla gengur út á það að snúa við kennslunni, kenna nemendum heima með fyrirlestrum sem kennari tekur upp og nota kennslustundir í vinnu nemenda. Nemendur koma undirbúnir í kennslustund og vinna með námsefnið í kennslustund og hafa þar aðgang að kennara sem styður við nám nemendanna á meðan þeir vinna að því.

Kennslumiðstöð HÍ heldur vinnustofu um vendikennslu fimmtudaginn 12. apríl, kl. 10:00-12:00. Þar gefst kennurum tækifæri til að kynnast þessu formi kennslu og vinna að því út frá sínu eigin námskeiði. Kennarar eru beðnir um að koma með hugmynd að viðfangsefni úr námskeiðum sínum, t.d. fyrirlestur um ákveðið efni.
Vinnustofan er tvíþætt:

  • Hvað er vendikennsla? Kennarar kynnast hugmyndafræði vendikennslu og formi sem frekari vinna þeirra í vinnustofunni er síðan byggð á.
  • Hvað gera kennarar með nemendum í kennslustundum þegar búið er að halda fyrirlesturinn? Kennarar vinna að hugmyndum um verkefni sem henta nemendum þeirra.

Hæfniviðmið
Að vinnustofu lokinni geta þátttakendur:

  • Vent einni kennslustund.
  • Sett upp skipulag vendikennslu í námskeiði.
  • Útbúið verkefni sem hentar í kennslustundum og haldið nemendum virkum.

Stefna Háskóla Íslands
HÍ21 leggur ríka áherslu á gæði kennslu og virkni nemenda í námi.

Fyrir hvern?
Vinnustofa um vendikennslu er fyrir kennara og annað starfsfólk Háskóla Íslands sem kemur nálægt kennslu og upptökum.