ExpiredUpplýsingatækni í kennslu, þrjú verkfæri – Padlet, Socrative og Facebook

We're sorry, but all tickets sales have ended because the event is expired.
  • 13/03/2018
    14:00 - 15:00

Stund: þri. 13. mars kl. 14:00-15:00
Staður: Kennslumiðstöð Aragötu 9

Sífellt verður háværari krafan um að nemendur taki virkan þátt í námi og leiti sér þekkingar studdir af kennurum en ekki endilega í gegnum þá. Ein leið til að ýta undir virkni nemenda og styðja við þekkingarleit þeirra er að nýta upplýsingatækni í kennslu. Rannsóknir sýna að þegar nemendur eru virkir eykur það bæði ábyrgð þeirra og áhuga á námi.

Í vinnustofunni ætlum við að fikta í 3. upplýsingatækniverkfærum sem nýta má í kennslu til að styðja við virkni nemenda. Verkfærin eru: Padlet, Socrative og Facebook:

Padlet.com – er vettvangur sem heldur utan um efni á rafrænu formi. Þar geta nemendur og/eða kennarar safnað inn efni, hvort heldur þeir hafa sjálfir útbúið það eða fundið á netinu.

Socrative.com – er gagnvirk kennslustofa þar sem nemendur geta verið virkir í í stórum nemendahópum. Socrative býður upp á ýmsar leiðir til prófa s.s. stutt próf, keppni, krossapróf, satt/ósatt og stutt svör. Blanda má ólíkum spurningum saman.

Facebook.com – þarf vart að kynna og víst er að facebooksíður eru til um nær öll námskeið við HÍ, spurningin er bara hver „ræður“ síðunni, nemandi eða kennari. Rannsóknir sýna að Facebook er notuð innan háskóla til að auðvelda og efla umræðu nemenda, skapa jákvæðan anda í nemendasamfélaginu og til að deila námsefni á milli nemenda.

Hæfniviðmið

Að vinnustofu lokinni geta þátttakendur:

  • sett upp Padlet og deilt því
  • búið til gagnvirkt ,,próf” í Socrative
  • sett upp Facebooksíðu fyrir námskeið

Fyrir hvern?

Vinnustofan er starfsfólk á Félagsvísindasviðisem vill nýta sér upplýsingatæknitól til að virkja nemendur í kennslu.

Nánar um þessi tól: https://padlet.com/kennslumidstod/wq1yv000u6jk

Leave a Reply

Your email address will not be published. Required fields are marked *