• October 11, 2017
    9:00 am - 11:00 am

Stund: mið. 11. okt., kl. 9:00-11:00
Staður: Veröld, VHV-007

Vikuna 9.-13. október mun dr. Denise Chalmers, prófessor emeritus við háskólann í Vestur –Ástralíu heimsækja Háskóla Íslands. Hún verður jafnframt aðalfyrirlesari á Kennsluþróunarráðstefnu Háskóla Íslands sem haldin verður föstudaginn 13. október (sjá nánar: https://kennslumidstod.hi.is/events/kennsluthrounarradstefna-haskola-islands/).

Denise Chalmers hefur verið áhrifamikil á sviði kennsluþróunar í háskólum og hlaut m.a. OLT National Senior Teaching Fellowship árið 2015 fyrir störf sín við gerð viðmiða um gæðakennslu, The Australian Teaching Criteria and Standards Framework (sjá hér: http://uniteachingcriteria.edu.au/framework/about/). Hún hefur starfað með háskólum víða um heim að innleiðingu viðmiða um gæðakennslu og rannsóknir.

Miðvikudaginn 11. október kl. 9:00 -11:00 er boðað til umræðufundar þeirra sem hafa með kennsluþróun og gæði kennslu að gera við Háskóla Íslands í Veröld, stofu VHV-007 í Háskóla Íslands. Markmið fundarins er að draga fram sjónarmið fundarmanna á hvað er gæðakennsla, í þeim tilgangi að efla kennsluþróun og gera kennslu hærra undir höfði. Til umræðu verða spurningar eins og:

  • Hvað einkennir gæðakennslu?
  • Er slík kennsla ólík eftir fræðasviðum?
  • Er hægt að leggja mat á slík gæði? Og er ástæða til þess?

Á fundinum mun Denise Chalmers gera grein fyrir þeim leiðum sem farnar hafa verið til að meta gæði kennslu í Ástralíu og víðar. Róbert Haraldsson, sviðsstjóri kennslumála, mun stýra umræðum.

Leave a Reply

Your email address will not be published. Required fields are marked *