Námskeið 2: Hlutverk og samskipti leiðbeinanda og doktorsnema

  • September 17, 2019
    12:30 pm - 4:00 pm

Þátttakendur þurfa að hafa lokið námskeiði 1 til að fá aðgang að námskeiði 2

Dagsetning:  17. sept. 2019 (íslenska)
Tími: 12.30-16.00
Staðsetning: Fundarrými 3, 3. hæð Setberg

Markmið og námskeiðslýsing
Markmið námskeiðsins er að þátttakendur öðlist dýpri innsýn inn í nokkra mikilvæga þætti sem snúa að leiðbeiningu doktorsnema og geti þannig eflst í starfi. Einnig verður rætt um hlutverk, skyldur og ábyrgð hvors aðila um sig. Námskeiðið er í vinnustofuformi og fá þátttakendur tækifæri til að ræða ýmsar hliðar þessa hlutverks og áskoranir sem starfinu fylgja. Reyndir leiðbeinendur flytja stutt innleggserindi en síðan byggist námskeiðið á umræðum og æfingum. Gert er ráð fyrir að þátttakendur fjalli í sameiningu um algengar áskoranir sem leiðbeinendur mæta, s.s. ólíkar væntingar leiðbeinanda og doktorsnema, samskipti, samstarf við meðleiðbeinendur o.fl.

Þar sem námskeiðið sjálft er með styttra móti verður ekki tími til að fara yfir reglur og leiðbeiningar HÍ og hvers fræðasviðs um doktorsnám. Því er gert ráð fyrir að þátttakendur hafi lokið rafrænu prófi úr reglum og leiðbeiningum fræðasviðs síns og Miðstöðvar framhaldsnáms, áður en þeir mæta á námskeiðið. Auk þess þurfa þátttakendur að hafa kynnt sér námsefni fyrir námskeiðið (Lee, 2008 eða Halse, 2011). Með þessu móti nýtist námskeiðstíminn betur til umræðu og verklegra æfinga.

Hæfniviðmið:

Að námskeiði loknu getur leiðbeinandi:

  • skilgreint hlutverk, skyldur og ábyrgð nemenda
  • skilgreint hlutverk, skyldur og ábyrgð leiðbeinanda
  • lýst þeim eiginleikum sem einkenna góðan leiðbeinanda í huga nemandans skv. rannsóknum
  • útskýrt hvernig best sé að setja mörk, t.d. tímamörk, vegna leiðbeiningar
  • gert grein fyrir því hvernig traust myndast milli leiðbeinanda og nemanda
  • beitt aðferðum til að leysa ágreining

 

 

 

 

 

Leave a Reply

Your email address will not be published. Required fields are marked *