• October 19, 2017
    8:40 am - 11:40 am

Stund: 19. okt. kl. 8:40-11:40
Staður: Gimli 102

Hvernig tryggjum við kunnáttu nemenda?  Flestir kannast við námsmatsglímuna – hvernig meta skuli árangur nemenda í námskeiðum á sanngjarnan og fullnægjandi hátt þannig að tryggt sé að nemendur hafi öðlast þá hæfni, leikni og þekkingu sem krafist er í námskeiðum. Í vinnustofunni verða mikilvæg tengsl hæfniviðmiða og námsmats kynnt – hvernig hæfniviðmið eru leiðbeinandi um alla kennslu og námsmat. Þátttakendur vinna með námskeið sín og fá stuðning við gerð hæfniviðmiða. Vinnustofan nýtist bæði einstaka kennurum og kennarahópum eða deildum sem vinna við að endurskoða námsleiðir sínar.

Í þessari vinnustofu eru viðfangsefnin eftirfarandi:

a) Hvernig á að skrifa hæfniviðmið fyrir námskeið?
b) Tengsl hæfniviðmiða, verkefna og námsmats (hjálpa þau við að efla fjölbreytta kennsluhætti og námsmat?)
c) Gerð námsmatsviðmiða (assessment criteria)
d) Hvernig má nýta hæfniviðmið til að efla gæði náms?

Hæfniviðmið:
Við lok vinnustofu geta þátttakendur:

  • Skilgreint hæfniviðmið fyrir námskeið sín
  • Tengi verkefni og námsmat settum hæfniviðmiðum
  • Skilgreint námsmatsviðmið
  • Nýtt hæfniviðmið til að efla gæði náms og kennslu

Fyrir hvern:
Vinnustofan er ætluð háskólakennurum, formönnum námsbrauta, umsjónarmönnum námsleiða, deildarforsetum og öðrum þeim sem sinna innleiðingu hæfniviðmiða.

Næstu skref?
Næstu skref fyrir þátttakendur væri að taka þetta alla leið og nýta við endurskoðun námsleiðar. Kennslumiðstöð styður gjarnan við deildir og námsbrautir í endurskoðun námsleiða með því að styðja við og kenna aðferðir sem nýtast vel í slíkri vinnu. Hafið samband við Kennslumiðstöð hafið þið áhuga á því.

Frekari fróðleikur:
Frekari fróðleik um tengsl hæfniviðmiða og námsmats – gerð hæfniviðmiða, er að finna á heimasíðu Kennslumiðstöðvar.

Leave a Reply

Your email address will not be published. Required fields are marked *